عايش جوه بلدى وحاسس انى هندى ........؟

عايش جوه بلدى

حاسس انى هندى

مش لاقى حد افندى

اهلا اهلا بالبهوات !!

التباع بقى فجأة وزير

والمسطول عاملينه امير

والبقال يا عنيا سفير

عينى يا عينى على البشوات !!

الرّقاصة عملوها الست

حاجة تخلى العقل يشت

كل الناس عمّالة تلت

بلدى يا بلد الزمبليطات !!

نعمل ايه لجل نعيش

واحنا خلاص بقينا مفيش

لازم نشرب يعنى حشيش

ونقربع خمره فى كاسات !!

اصحى يا مصرى .. اصحى يا مجدع

فتّح عينك وافهم واسمع

وامسك سيفك وامسك مدفع

شغل مخك بالافكار !!

صحصح فوق م اللى جرالك

انسى الماضى وبص لحالك

قوة .. ايمان

طول ما ف بالك

تقدر تقضى على الاشرار !!

فرفش نعنش بس اوعاك

وقت الجد تروح لهواك

خلّى حياتك فيها ملاك

اسمه بلدنا بلد النصر !!

اسمع صوته ف كل مكان

بيقول كلمة بقالها زمان

قولها وراه بكل ايمان

(( تحيا بلادى بلد الشعب )) !!!