الرئيسيةبحـثالأعضاءالتسجيلدخول

شاطر | 
 

 زووووووووم ان على شباب الجامعه

اذهب الى الأسفل 
كاتب الموضوعرسالة
MeZoStArEgYpT
ADM!N

ADM!N
avatar

ذكر
عدد الرسائل : 287
العمر : 33
الاوسمة :
كيف تعرفت علينا؟ : اخر
الهواية :
المهنة :
المزاج :
نقاط : 1034192
السٌّمعَة : 0
تاريخ التسجيل : 09/01/2009

مُساهمةموضوع: زووووووووم ان على شباب الجامعه   الأربعاء يناير 14, 2009 2:59 am

شباب دوت كوم

..............................

الموضوع عباره عن بعض التعليقات عن شباب الواحد بيشوفهم فى الجامعه كل يوم
وممكن يبقوا اصحابى جدا بس افعالهم وحاجات كتير بيعملهوها بتبقى غريبه

هنشوف ولد شيك قوى نضاره شمس

توكيل رصيف العتبه بسعر تنافسى للمستهلك 10 جنيه

بس مااااااااعلينا من اللبس شفناه كتير

هنركز على الحذاء .. حافى ولابس شبشب من ابو صوابع

ماركة زيكو ... عارفينها ..؟؟؟

وطبعا فى شباب دوت كوم مفيش ولد بيقف لوحده

معاه بنت متفرقش لابسه ايه بس برضه نفس الشبشب او صوابع

بس لابسه شراب برضه من ابو صوابع

عشان منيفعش الناس تشوف القشف

ياحول العالم

ممكن بعض اعضاء جمعية خلى الحياة قشطه يرفعوا علينا قضيه

لاننا بنتدخل فى شئونهم الخاصه

عاوز بس اقول حاجه .. احنا مش عاوزين الطلبه

تروح بالبدل والطرابيش

بس على الاقل يبقى عندنا احساس بمستقبلنا ...

طب وايه دخل الشبشب ...؟؟؟

فى مثل بيقول

ان كان رب البيت بالدف ضارب..فشيمة أهل بيته الرقص

يعنى ... تخيل ان الطالب ده هيبقى مدرس.. يخش على تلامذته بشبشب .؟؟

او دكتور او مهندس او اى مهنه وقيس على كده اى حاجه

..........................

هناحد الزوووووووم ان من قدام مدرج

احنا طبعا عارفين الشباب
لكن فى وجه جديد المره دى

هنشوف ولد مبهدل ودقنه هايشه ومش مظبطه .. بنطلونه قصير جداااااا

على فكره وقت ماكان واقف كانت فى صلاه شغاله وهو متجاهل ده تماما

واقف بس يسب ويلعن فى المناظر اللى فى الجامعه

ويقول يا كفره ياولاد الكفاااااااااااار ...

يامجتمع ملحد يادوله .. حذف رقابى


لازم يكون لينا وقفه ضد هذا الفساد المدقع والشر المفجع

والصلاه خلصت وهو لسه واقف بنفس حاله

هنسيبه وناخد زوووم ان تانى على بنت مظهرها يوحى بالالتزام

لكن التصرف لايوحى بأى احترام على الاطلاق

لكن المفاجأة ان بعد الهجص والتهريج اللى كانت بتعمله ..

راحت تلحق صلاة الجماعه ... وعجبى

...........................

دلوقتى هرصد كادر جديد من الشباب اللى انا بحب اقول عليه فاسد

محدش فينا مبيحبش الشاب الملتزم ... بس الملتزم بجد شكلا وموضوعا

وكلنا بنبقى نفسنا نكون زيهم لانهم بجد جديرين باحترامنا كلنا

لكن الدين مقالش انى اسيب الصلاه واقف اشتم واسب الناس واكفرهم

مش من الدين ان مظهرى يكون مبهدل ودقنى مشعوذه

صحيح اطلاق اللحيه سنه

بس فى فرق كبير قوى بين التهذيب وبين اللى بنشوفه

حد ايا كان يقدر ينتقد لحيه الشيخ يعقوب .؟؟؟

او الشيخ الحوينى .؟؟؟؟ ده يبقى هبل رسمى

برضه مش من الدين انى كبنت عشان اكون بحريتى

اغطى تصرفاتى بحجة الالتزام والادب

يعنى وحاجه حصلت قدامى بنت فى مكان وسط حوالى 4 شباب

تهريج وضحك وقول مسخره عادى

لا وكمان واحد خد منها كيس فى ايه الكيس,...؟؟؟؟

فى جواب واستنى المفاجأة

شريط ياتارك الصلاه للشيخ محمد حسين يعقوب

شايفين الالتزام ياجماعه ..؟؟؟؟

تسمحولى بكلمه ....

وقفه مع نفسنا .... عشان منظلمش شباب محترم وجاد فى اللى بيعمله

ومقتنع بيه وبيحاول يكون قد اللى اختاره لنفسه

وفاهم دينه صح وبيتصرف بفهمه

وبين شباب مستهتر ..واخد الالتزام غطاء

وأظن نقدر نفرق بين النوعين









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://geelna.hooxs.com
 
زووووووووم ان على شباب الجامعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
الاقسام العامة
 :: منتدى الدردشة
-
انتقل الى: